World News in Chechen

Кху кӀиранах Нохчийчоьнан куьйгалхочо кхайкхам бира, бусулба регионехь "товш йоцу" реклама йолу хазаллин салонаш дӀакъовла аьлла. Иштта цо дӀахьедина, низамаш талхийна болх беш хилла цхьа могӀа аптекаш дӀакъовларх а, дIакхайкхийра республикехь зударий а, божарий а къаьстина тIеоьцур болу керла аптекаш йоьллур хиларх. Эксперташа дийцира тхан редакцига, Кадыров Рамзан "исламизаци" чӀагӀъян муха гӀерта а, цо арабаьккхина некъ наггахь динца а, Оьрсийчоьнан низамашца а бIостане муха хуьлу а. Нохчийчоьнан... Читать дальше...

Зударшна а, божаршна шайна-шайна къаьстина аптека схьайиллина Нохчийчохь. Фирман долахо Кадыров Рамзанан йоIаца йоьзна йу. Darba Pharmacy схьайелларах хаийтира Нохчийчоьнан куьйгалхочо гIадужу-беттан 14-хь. Цул а хьалха регионехь дIакъевлира 55 аптека – низамаш ца лардина аьлла.

Москвара пачхьалкхан университетан дешархочо "Ахмат" полках "тикток-эскар" аьлла, цул тIаьхьа гечдар а доьхуш. Университете вахана хилла спецназан командир Алаудтнов Апти.

30 шо хьалха болабелира Нохчийчохь хьалхара тӀом. 1994-чу шеран гIуран-беттан 11-чу дийнахь Оьрсийчоьнан президентан Ельцин Борисан омрица республике чуйеара оьрсийн тӀеман техникан ковранаш, "конституцин къепе меттахӀотто" дохку шаьш аьлла.

Иттаннаш эзарнаш байинарш а, лазийнарш а, мухӀажирш а, Оьрсийчоьнах йозуш йоцу Нохчийн Республика Ичкери а – уьш ду 30 шо хьалха, 1994-чу шеран Дечкен-беттан 11-чу дийнахь, республикехь болабеллачу хьалхарчу тӀеман жамӀаш. Тхан редакцино гулйина оцу шерашкара суьртийн галерей.

КIирандийнахь, гIуран-бетта 8-хь гIаттамхоша президентан Башар Асадан Iедал доха а дина, Димашкъа схьайаьккхина шаьш аьлла дIахьедар динчул тIаьхьа, Шеман коьртачу шахьарахь герзаш дуьйлуш хезира, даздарш дара дIахьош.

Дагестанера бакъонашларйархо Анохина Светлана дуьненчохь уггаре лараме 100 зудчунна тептарехь йу Би БИ си версица. Анохина – “Марем” кризисан тобанан куйгалхо йу, Къилбаседа Кавказехь доьзаллехь гIило хьогу зударшна а мехкаршна гIо деш.

Кадыров Рамазанс кхоьллина комиссино дIахьедина ворхI шарчохь шаьш 2659 доьзал “цхьаьнатохарахь”. Хьалхо, республикан бахархоша хаам бора комиссино бертаза доьзалаш “цхьаьнатохарехь”.

Хенал а хьалха доьзал кхоллар Оьрсийчоьнан пачхьалкхан мехкашлахь къаьсттина даьржина ду Дагестанехь а, Ставрополан махкахь а. Ишта хьесапаш дина бакъоларйаран Equality Now организацино шаьш арахецначу рапортехь. Къилбаседа Кавказан регионашкахь хенал а хьалха а, бертаза а маре стенна ло зудабераш, цунна хIун дан деза а дийцира тхан редакцина и таллам бинчара. Оьрсийчохь лелаш репрессийн низамаш хиларна, оха ца йоху тхайца къамелаш динчийн цIераш. Дуьненайукъараллин бакъонца а догIуш, берашна йукъахь захало дар ... Читать дальше...

Коментаторна, жигархочунна Рабаданов Рамазанна тIаьхьабевла Дагестанехь - ХIинжа-ГIаларчу аэропортера къепедацаршкахь лецначийн агIо лоьцуш вара иза.