Այսօր շախմատի աշխարհի 9-րդ չեմպիոն Տիգրան Պետրոսյանի ծննդյան օրն է
Այսօր շախմատի աշխարհի 9-րդ չեմպիոն Տիգրան Պետրոսյանի ծննդյան օրն է։
Տիգրան Պետրոսյանը ծնվել է 1929 թ. հունիսի 17-ին Թիֆլիսում:
Աշխարհի չեմպիոնի կոչումը Տիգրան Պետրոսյանը նվաճել է 1963 թ.՝ հաղթելով Միխայիլ Բոտվիննիկին: 1966 թ․ նա պահպանել է այդ կոչումը՝ հաղթելով Բորիս Սպասկուն։ Իր խաղաոճի շնորհիվ վաստակել է «Երկաթե Տիգրան» անունը:
Տիգրան Պետրոսյանը մահացել է 1984 թ. օգոստոսի 13-ին: Այդ ժամանակվանից Երևանի շախմատի տունը կրում է շախմատի լեգենդ Տիգրան Պետրոսյանի անունը։
Տ. Պետրոսյանի անվան շախմատի տուն-մարզադպրոցում այսօր տեղի կունենա կայծակնային շախմատի մրցաշար՝ նվիրված Տիգրան Պետրոսյանի 95-ամյակին։