Նիդեռլանդների հավաքականը 12 տարի անց առաջին անգամ պարտվեց խոշոր մրցաշարի խմբային փուլում

Եվրո-2024-ի D խմբի 3-րդ տուրի Ավստրիայի դեմ խաղում (2։3) Նիդեռլանդների հավաքականը 2012 թվականից ի վեր առաջին անգամ պարտություն կրեց խոշոր մրցաշարի խմբային փուլում։

Ռոնալդ Կումանի սաները հանդիպման ընթացքում երկու անգամ կարողացան հավասարեցնել հաշվի հավասարակշռությունը՝ Մալենի ինքնագոլին և Շմիդի գոլին պատասխանելով Գակպոյի և Դեպայի գոլերով։ Սակայն Ավստրիան հանդիպման հիմնական ժամանակի ավարտից 10 րոպե առաջ Զաբիցերի շնորհիվ 3-րդ անգամ առաջ անցավ հաշվի մեջ՝ ձևակերպելով խաղի վերջնական արդյունքը։

Հիշեցնենք, որ այս խաղից հետո Ավստրիան վաստակած միավորների թիվը հասցրեց 6-ի և մրցաշարի խմբային փուլն ավարտեցին առաջին տեղով, իսկ Նիդեռլանդները վաստակած 4 միավորով 3-րդն է։