Եվրախորհրդարանում ցանկանում են ՌԴ-ի հետ հարաբերությունները կարգավորելու համար խմբակցություն ստեղծել
«Այլընտրանք Գերմանիայի համար» և այլ աջակողմյան կուսակցություններ աշխատում են Եվրախորհրդարանում նոր խմբակցություն ստեղծելու ուղղությամբ, որը դեմ կլինի հակառուսական պատժամիջոցներին և Եվրամիության ներկայիս քաղաքականությանը: Հուլիսի 3-ին նման հայտարարություն է արել ընտրություններից հետո Եվրախորհրդարան անցած հունգարական «Մեր հայրենիք» աջակողմյան կուսակցության նախագահ Լասլո Տորոցկայը։
««Այլընտրանք Գերմանիայի համար»-ի, «Բուլղարական վերածնունդ»-ի և մեր մյուս եվրոպական դաշնակիցների հետ միասին մենք երկար ժամանակ աշխատել ենք Եվրախորհրդարանում նոր եվրոպական կուսակցական խումբ և նոր խմբակցություն ստեղծելու ուղղությամբ: Մեր բանակցություններն այժմ ինտենսիվ են ընթանում, և շուտով պարզ կդառնա, թե ինչի ենք հասել»,- ասել է նա ՌԻԱ «Նովոստի»-ին։
Տորոցկայը նաև նշել է, որ «Մեր հայրենիք» կուսակցությունը եղել է նոր խմբակցության ձևավորման նախաձեռնողներից մեկը, ուստի նա նույնպես ցանկանում է անդամակցել։
«ԵՄ ներկայիս ղեկավարության քաղաքականությունը, ներառյալ Ռուսաստանի դեմ պատժամիջոցների քաղաքականությունը, աղետալի հետևանքներ ունի Եվրոպայի համար։ Մենք, իհարկե, դեմ ենք լինելու այս քաղաքականությանը»,- հավելել է նա: