Մեծ Բրիտանիայի նոր վարչապետն ԱԳՆ-ի և ՊՆ-ի ղեկավարներ է նշանակել
Մեծ Բրիտանիայի նոր վարչապետ Կիր Սթարմերը Դևիդ Լեմին ու Ջոն Հիլին արտաքին գործերի նախարարության և պաշտպանության նախարարության ղեկավարներ է նշանակել։
Այս մասին հայտնում է Մեծ Բրիտանիայի վարչապետի աշխատակազմը։
«Թագավորը հաստատել է հետևյալ նշանակումները` խորհրդարանի հարգարժան անդամ Դևիդ Լամիին՝ որպես արտաքին գործերի նախարար, խորհրդարանի մեծարգո անդամ Ջոն Հիլին՝ որպես պաշտպանության նախարարի», - նշված է հայտարարության մեջ։ Նշվում է նաև, որ ՆԳՆ ղեկավար է դարձել լեյբորիստ Իվետ Կուպերը:
Խորհրդարանական ընտրություններից հետո լեյբորիստների առաջնորդ Կիր Սթարմերը հուլիսի 4-ին թագավոր Չարլզ III–ի մոտ կայացած ընդունելությունից հետո պաշտոնապես դարձավ Մեծ Բրիտանիայի 58-րդ վարչապետը։ Թագավորը հանձնարարել էր նրան կառավարություն ձևավորել:
Հիշեցնենք, որ բրիտանական խորհրդարանի ընտրությունները կայացել են հուլիսի 3-ին, հաղթել է Լեյբորիստական կուսակցությունը՝ ստանալով 412 պատգամավորական մանդատ և բացարձակ մեծամասնություն ապահովելով Համայնքների պալատում: