Նոյերը երրորդ ֆուտբոլիստն է, ով ԵԱ-ում 20 հանդիպում է անցկացրել

Եվրո-2024-ի քառորդ եզրափակիչի Իսպանիայի հետ հանդիպումը Գերմանիայի հավաքականի դարպասապահ Մանուել Նոյերի համար 20-րդն է Եվրոպայի առաջնությունում։

Այս մասին հայտնում է ՈւԵՖԱ-ի պաշտոնական կայքը։

Պորտուգալիայի հավաքականի հարձակվող Կրիշտիանու Ռոնալդուից (29 հանդիպում) և նրա հայրենակից Պեպեից հետո (22 հանդիպում) 38-ամյա դարպասապահը երրորդ ֆուտբոլիստն է, ով հասել է 20 հանդիպման նշագծին։

Նոյերը ԵԱ-ում Գերմանիայի հավաքականի կազմում ամենաշատ հանդիպում անցկացրած ֆուտբոլիստն է: