Ռոնալդուն դիմել է Պորտուգալիայի հավաքականի երկրպագուներին՝ Եվրո-2024-ից դուրս մնալուց հետո
Պորտուգալիայի ֆուտբոլի ազգային հավաքականի ավագ Կրիշտիանու Ռոնալդուն դիմել է երկրպագուներին այն բանից հետո, երբ ազգային թիմը դուրս մնաց Եվրոպայի 2024 թվականի առաջնությունից։
«Մենք ավելին էինք ուզում: Մենք ավելի լավին էինք արժանի՝ մեզ համար, ձեզանից յուրաքանչյուրի համար,Պորտուգալիայի համար:
Մենք երախտապարտ ենք այն ամենի համար, ինչ դուք տվել եք մեզ և այն ամենի համար, ինչին մենք հասել ենք մինչ օրս: Վստահ եմ, որ խաղադաշտում և դրա սահմաններից դուրս այս ժառանգությունը հարգվելու և զարգանալու է: Միասին»,- գրել է Ռոնալդուն իր սոցցանցերում։