«Բա էդ լոլոներն ինչի՞ համար են՝ սահմանազատում, Ալմա-Աթայի հռչակագիր, պայմանագիր, խաղաղություն… եթե վերջում պետք է պարտությամբ արդարանաք ու խոստովանեք, որ այս բոլորը հոգով պարտվածի, խեղճի, վախկոտի քայլեր են». «Հրապարակ»
Ասում ես` Գորիս-Կապան մայրուղին տվեցիք թշնամուն, վաղը դեպի Վրաստան ու դեպի Վայոց Ձոր գնացող ճանապարհներն են գրավելու, ասում են` սահմանազատում ենք անում: Ասում ես` իսկ ինչո՞ւ Տավուշի, Ջերմուկի, Սեւ լճի, Սոթքի ու Ներքին Հանդի հատվածներում սահմանազատում չի արվում, ինչո՞ւ առանց սահմանազատման հանձնեցիք Գորիս-Կապան մայրուղին, Կիրանցի կեսը: Ասում են` պարտվել ենք, ենթարկվում ենք թշնամու կամքին, չտանք`