Դեշամը կշարունակի գլխավորել Ֆրանսիայի հավաքականը
Ֆրանսիայի ֆուտբոլի ֆեդերացիայի նախագահ Ֆիլիպ Դիալոն պատասխանել է ազգային հավաքականի գլխավոր մարզիչ Դիդյե Դեշամի ապագայի վերաբերյալ հարցին։
«Դեշամի գործող պայմանագիրը կասկածի տակ դնելու պատճառ չեմ տեսնում։ Նրա օգտին են խոսում անցած մրցաշարերի արդյունքները, և նրա կատարած բարեփոխումները։ Դիդյեն կշարունակի աշխատել որպես Ֆրանսիայի հավաքականի գլխավոր մարզիչ»,- Դիալոյի խոսքերն է մեջբերում L’Equipe-ը։
Հիշեցնենք, որ Եվրո-2024-ի կիսաեզրափակչում ֆրանսիացիները 1։2 հաշվով պարտվեցին Իսպանիային։