Նեթանյահուն անսպասելիորեն այցելել է Գազայի հատված

Իսրայելի վարչապետ Բենիամին Նեթանյահուն այցելել է Գազայի հատվածի հարավում գտնվող Ռաֆահ քաղաք, հայտնել է վարչապետի աշխատակազմի խորհրդական Դմիտրի Գենդելմանը։ Նշվում է, որ նրա այցի մանրամասները կհրապարակվեն ավելի ուշ, գրում է apnews.com-ը։

Նշվում է, որ Նեթանյահուն հանդիպել է իսրայելցի զինծառայողների հետ:

Հաղորդվել է նաև, որ Իսրայելի վարչապետը մտադիր է հանդիպել պաշտպանության նախարար Յոավ Գալանտի և իսրայելական բանակցային թիմի հետ, որն աշխատում է պաղեստինյան ՀԱՄԱՍ արմատական շարժման հետ հրադադարի մասին համաձայնագրի կնքման ուղղությամբ, գրում է The Times of Israel-ը։

Սպասվում է, որ հանդիպմանը Նեթանյահուն կհաստատի հրադադարի վերաբերյալ Իսրայելի նոր պահանջները:

Ավելի վաղ ՀԱՄԱՍ-ի քաղբյուրոյի ղեկավար Իսմայիլ Հանիեն հայտարարել էր, որ Բենիամին Նեթանյահուն Գազայում զինադադարի հասնելու համար նոր պայմաններ է առաջ քաշել, որոնք նախկինում չէին հայտնվել կողմերի առաջարկներում։ Նա մանրամասներ չի հայտնել պայմաններից։