Մարդաշատ ու գունեղ Գյումրի․ կոլորիտային քաղաքի տոնն է
Այսօր Գյումրին անասելի մարդաշատ է․ ուրույն դիմագիծ ու յուրահատուկ բնավորություն ունեցող այս քաղաքը նշում է իր տոնը։ Քաղաքին ուղղված շնորհավորանքներում Գյումրին բնութագրում են միստիկ, խորհրդավոր, ցավին կուլ չգնացող, թասիբով ու հումորով քաղաք։ Դեռ երեկվանից Հայաստանի տարբեր ծայրերից, նաև արտերկրից եկել էին Գյումրի՝ «Ֆեստիվառ» երաժշտական-զբոսաշրջային փառատոնին մասնակցելու՝ Թաթա Սիմոնյանի մենահամերգը լսելու ու հանգստյան օրերը Գյումրիում անցկացնելու։