Մանկապարտեզում երեխային ծեծած դաստիարակը չկալանավորվեց. «Ազատություն»
«Ազատությունն» իր տելեգրամյան ալիքում տեղեկացնում է. Փոքր Վեդիի մանկապարտեզում երեխային ծեծելու համար ձերբակալված դաստիարակը 3 օր անազատության մեջ մնալուց հետո չկալանավորվեց։ Դաստիարակը ձերբակալվել էր, երբ համացանցում տարածվեց ծեծի տեսանյութը։ «Ազատության» տեղեկություններով՝ ծնողները բողոք չեն ներկայացրել իրենց երեխային մահճակալում ծեծած դաստիարակի դեմ: Եթե քննչականը գործը դատարան տանի ու մեղքն ապացուցվի, նրան սպառնում է 3-7 տարվա ազատազրկում։