«Ոչ օֆիցիալ» Zeekr էլեկտրոմոբիլները կբլոկավորվեն ողջ աշխարհում
Չինական Zeekr-ը կսկսի բլոկավորել Չինաստանից անօրինական կերպով արտահանված իր մեքենաները, որոնք նախատեսված էին չինական շուկայում օգտագործման համար։
Այս մասին գրում է Tengri Auto-ն, որը զրուցել է ZEEKR International-ի ներկայացուցիչների հետ։
ZEEKR International-ի ներկայացուցիչը հայտնել է, որ խոսքը միայն 2024 թվականի հուլիսի 15-ից հետո արտադրված մեքենաների մասին է։
Եթե ընկերությունը դրանք հայտնաբերի պայմանագրում նշված սպասարկման տարածքից դուրս կամ պարզի, որ դրանցում օգտագործվում են արտադրողի կողմից չարտոնված ՍԻՄ քարտեր, մեքենայի համակարգը նախազգուշացում կտա և կառաջարկի մեքենան վերադարձնել Չինաստանի տարածք։
Ապա նման մեքենաների ֆունկցիոնալությունը կանջատվի հեռակա կարգով։
Այս պահանջն անտեսելու դեպքում Zeekr-ը կարգելափակի մեքենայի մուլտիմեդիա համակարգը և կբլոկավորի մեքենայի էկրանը։