ՕԽ-2024․ ֆրանսիացի մարզիչը ձերբակալվել է փողոցում միզելու և ոստիկանների վրա հարձակվելու համար
Հուլիսի 30-ի գիշերը Փարիզի 11-րդ թաղամասում կալանավորվել է թիավարության թիմի ֆրանսիացի մարզիչ Գիյոմ Բերժը, հայտնում է Le Parisien-ը։
Աղբյուրի համաձայն՝ ուշ գիշերին մոտ ժամը 03։00-ի սահմաններում Բերժը որոշել է կարիքները հօգալ փողոցում: Երբ պարեկը մոտեցել է նրան, նա փորձել է փախչել։ Այնուհետև Բերժը հրել և գետնին է գցել մի քանի սպաների: Նրան հանդարտեցրել են միայն խլացուցիչ ատրճանակի օգնությամբ։ Ծեծկռտուքի տեսարանը ֆիքսել է ոստիկաններից մեկի տեսախցիկը։ Բերժը կալանավորվել է ու այժմ սպասում է հետաքննության արդյունքներին։
Հիշեցնենք, որ 2024 թվականի Օլիմպիական խաղերում թիավարության մրցումները մեկնարկել են հուլիսի 27-ին և կշարունակվեն մինչև օգոստոսի 3-ը։