Ալեն Դելոնի ընտանիքը մտադիր է գաղտնի պահել արտիստի հուղարկավորության մանրամասները
Ֆրանսիացի լեգենդար դերասան Ալեն Դելոնի ընտանիքը ցանկանում է գաղտնի պահել արտիստի հուղարկավորության արարողության մանրամասները և չհանրայնացնել տեղեկատվությունը։ Այս մասին ՌԻԱ Նովոստիին հայտնել են Դուշիի քաղաքապետարանում, որտեղ տեղի կունենա հուղարկավորությունը։
«Ընտանիքի խնդրանքով հուղարկավորության մասին տեղեկություն չի տրամադրվի: Քաղաքապետարանը մտադիր է հարգել պարոն Դելոնի ընտանիքի ցանկությունները», - հայտնել են գործակալությանը քաղաքապետարանից:
Ավելի վաղ BFMTV հաղորդել էր, որ Ալեն Դելոնին կհուղարկավորեն մատուռում՝ իր շների կողքին։
Հիշեցնենք, որ լեգենդար ֆրանսիացի դերասանը կյանքից հեռացել է օգոստոսի 18-ին։ Նա 88 տարեկան էր։