Իսրայելը մոտենում է Գազայի հատվածում ՀԱՄԱՍ-ի ոչնչացմանը. Նեթանյահու
Իսրայելը քայլ առ քայլ գնում է Գազայի հատվածում պաղեստինյան ՀԱՄԱՍ շարժումը վերացնելու ուղղությամբ, հայտարարել է Իսրայելի վարչապետ Բենյամին Նեթանյահուն՝ թվարկելով զինված ուժերի հիմնական հաջողությունները։
«Մենք մեր ամբողջ ուժով ձգտում ենք տապալել ՀԱՄԱՍ-ի ռեժիմը և վերացնել նրա ռազմական ներուժը, և մենք առաջընթաց ենք գրանցում այս հարցում... Մենք քայլ առ քայլ մոտենում ենք դրան»,-ասել է Նեթանյահուն՝ Գազայի հատվածում մարտերի ժամանակ զոհված և պաղեստինյան արմատականների կողմից առևանգված իսրայելցիների հարազատների հետ հանդիպման ընթացքում:
Որպես իր խոսքերի ապացույց, վարչապետը թվարկել է ՀԱՄԱՍ-ի ռազմական թևի ղեկավար Մուհամմադ Դեյֆի չեզոքացումը, Գազայի հատվածն ու Եգիպտոսը բաժանող ֆիլադելֆիական միջանցքի գրավումը, ինչպես նաև այնտեղ տեղակայված Ռաֆահ անցակետի նկատմամբ վերահսկողություն սահմանելը։