Արսենալը պատրաստ է զգալի գումար վճարել Նիկո Ուիլյամսի տեղափոխության համար
«Արսենալը» չափազանց հետաքրքրված է Բիլբաոյի «Ատլետիկի» 22-ամյա եզրային հարձակվող Նիկո Ուիլյամսին գնելու հնարավորությամբ և պատրաստ է վճարել «այնքան, որքան անհրաժեշտ է» նրա տրանսֆերի համար: Այս մասին հայտնում է The Independent-ը։
Աղբյուրի տեղեկություններով՝ ֆուտբոլիստն ինքը ցանկանում է կարիերան շարունակել Իսպանիայում և դիտարկում է տեսանելի ապագայում «Բարսելոնա» տեղափոխվելու տարբերակը։
Անցած մրցաշրջանում 22-ամյա ֆուտբոլիստը բոլոր մրցաշարերում մասնակցել է 37 հանդիպման, որոնցում դարձել է 8 գոլի և 19 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 70 միլիոն եվրո: