Մակրոնին և Ֆրանսիայի ԱԳՆ-ին չեն զգուշացրել Դուրովի ձերբակալության մասին․ Reuters
Ոչ Ֆրանսիայի նախագահ Էմանուել Մակրոնը, ոչ Հանրապետության ԱԳՆ-ն նախապես չեն նախազգուշացվել Telegram-ի համահիմնադիր Պավել Դուրովի ձերբակալության մասին:
Այս մասին հայտնում է Reuters գործակալությունը՝ հղում անելով Փարիզի դատախազության աղբյուրին, փոխանցում է ՏԱՍՍ-ը։
Աղբյուրի տվյալներով՝ Դուրովը նույնպես տեղեկացված չի եղել նախապատրաստվող ձերբակալության մասին։
Աղբյուրը գործակալությանը լրացուցիչ հայտնել է, որ ֆրանսիական դատախազության հետաքննությունը ոչ մի կապ չունի ԱՄՆ-ի հետ:
Հիշեցնենք, որ երեկ Պավել Դուրովը դատական վերահսկողության տակ է վերցվել, նրան արգելված է լքել Ֆրանսիայի տարածքը և պետք է 5 մլն եվրոյի չափով գրավ մուծի ու շաբաթական 2 անգամ ոստիկանական բաժանմունք ներկայանա, հայտնում է Փարիզի դատախազությունը