Կամչատկայի ափերի մոտ հզոր երկրաշարժ է գրանցվել
Կամչատկայի ափերի մոտ 6,1 մագնիտուդով երկրաշարժ է տեղի ունեցել։ Այս մասին հայտնում է ՌԻԱ Նովոստին՝ ՌԴ ԳԱ երկրաֆիզիկական ծառայության Կամչատկայի մասնաճյուղին հղումով։
«Նախնական տվյալներով՝ Կամչատկայի ժամանակով ժամը 16։24-ին (Երևանի ժամանակով 08։24-ին) 6,1 մագնիտուդով երկրաշարժ է տեղի ունեցել Խաղաղ օվկիանոսում։ Պետրոպավլովսկ-Կամչատսկիում, Ելիզովոյում, Վիլյուչինսկում և Ելիզովոյի շրջանի մի շարք բնակավայրերում ստորգետնյա ցնցումը զգացվել է մինչև հինգ բալ ուժգնությամբ»,- ասված է հաղորդագրության մեջ։
Գերատեսչության հաղորդմամբ՝ երկրաշարժի էպիկենտրոնը, նախնական տվյալներով, գտնվել է Պետրոպավլովսկ-Կամչատսկից 123 կմ հեռավորության վրա, օջախը՝ ծովի հատակից 27 կմ խորության վրա։
ՌԻԱ Նովոստիի հաղորդմամբ՝ երկրաշարժի հետևանքով բնակարաններում ճոճվում էին կախված իրերը։
Ստորգետնյա ցնցումների հետևանքով զոհեր ու ավերածություններ չկան, ցունամիի վտանգ չի հայտարարվել։