Ադրբեջանը, Վրաստանը, Ռումինիան և Հունգարիան համաձայնագիր են ստորագրել «Սևծովյան էներգետիկ մալուխ» նախագծի վերաբերյալ
Ռումինիայի մայրաքաղաք Բուխարեստում կայացել է Նախարարների կոմիտեի 8-րդ հանդիպումը՝ Ադրբեջանի, Վրաստանի, Ռումինիայի և Հունգարիայի կառավարությունների միջև էներգիայի զարգացման և փոխանցման համար ռազմավարական գործընկերության համաձայնագրի իրականացման նպատակով:
Երկրները համատեղ ընկերություն հիմնեցին Սև ծովի հատակով էլեկտրահաղորդման մալուխ անցկացնելու համար, ինչը թույլ կտա Ադրբեջանից ավելի շատ վերականգնվող «կանաչ» էլեկտրաէներգիա մատակարարել Եվրոպա։
Ռումինիայի էներգետիկայի նախարար Սեբաստիան Բուրդուժան ասել է, որ այս ծրագիրը ռազմավարական նշանակություն ունի իր երկրի և Եվրամիության համար։
Հաջորդ հանդիպումը նախատեսվում է անցկացնել Բաքվում COP 29-ի համաժողովի օրերին։
Չորս երկրի ղեկավարներն այս ծրագրին հավանություն էին տվել 2022 թվականին։
Ուկրաինայի դեմ Ռուսաստանի ագրեսիայի պատճառով Եվրոպան ձգտում է նվազեցնել էներգետիկ կախվածությունը Ռուսաստանից։