Իսրայելի բանակը հարվածներ է հասցրել «Հեզբոլլահի» արձակման կայանքներին
Իսրայելի պաշտպանության բանակը (ՑԱԽԱԼ) Լիբանանի հարավում գտնվող Կունին և Կաբրիխա շրջաններում ավիահարվածներ է հասցրել «Հեզբոլլահի» արձակման կայանքներին։ Այս մասին հայտնել է ՑԱԽԱԼ-ի մամուլի ծառայությունը։
«Իսրայելի օդուժը հարվածներ է հասցրել «Հեզբոլլահի» արձակման կայանքներին, որոնք Լիբանանի հարավում գտնվող Կունին և Կաբրիխա շրջաններից կրակ են վարել Իսրայելի տարածքի ուղղությամբ», - ասված է հաղորդագրության մեջ:
Մամուլի ծառայությունից նաև հայտնել են, որ տեղական ժամանակով 13:40-ին Իսրայելի հյուսիսում հնչած օդային տագնապի ազդանշանից հետո ՑԱԽԱԼ-ի ուժերը Լիբանանի տարածքից արձակված արկ են արձանագրել, որն ընկել է բաց տարածքում։ Տուժածների մասին տեղեկություններ չեն հաղորդվել: