Եթե զենքի կիրառման սահմանափակումները վերացվեն, դա ՆԱՏՕ-ՌԴ պատերազմ կնշանակի․ ՄԱԿ-ում Ռուսաստանի մշտական ներկայացուցիչ
ՆԱՏՕ-ի երկրներն ուղիղ պատերազմ կսկսեն Ռուսաստանի դեմ, եթե համաձայնություն տան, որ Ուկրաինայի զինուժը հեռահար զենքով հարվածներ հասցնի Ռուսաստանի խորքերին։
ԱյՍ մասին հայտարարել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան։
«Եթե սահմանափակումների վերացման մասին որոշումն իսկապես ընդունվի, դա կնշանակի, որ այդ պահից ՆԱՏՕ-ի երկրները ուղիղ պատերազմ են սկսում Ռուսաստանի դեմ», - ասել է դիվանագետը և ընդգծել՝ «արևմտյան պետությունները չեն կարողանա ազատվել պատասխանատվությունից և մեղքը բարդել Կիևի վրա»:
Նրա խոսքով՝ եթե Արևմուտքն Ուկրաինային թույլ տա հեռահար զենք օգտագործել ՌԴ տարածքին հարվածելու համար, դա սկզբունքորեն կփոխի Մոսկվայի հարաբերություններն այդ երկրների հետ։