Որպես պատմամշակութային հուշարձան հանդիսացող շենքեր՝ չէին կարող հանդիսանալ առքուվաճառքի առարկա. պահանջում են անվավեր ճանաչել «Գռզո Պլազայի» պայմանագիրը

Դատախազ Սոնա Հովսեփյանը տարակուսանք հայտնեց պատասխանող կողմի պնդումների առիթով, թե այդ հասցեներում բնակիչներ չեն եղել: Եվ հղում անելով Երքաղխորհրդի գործկոմի 47|34  որոշմանը, արձանագրեց, որ այդտեղ եղել է շենք, որտեղ եղել են բնակարաններ ու մարդիկ են բնակվել: Նաեւ, որ Ազգային արխիվից ստացված փաստաթղթերում եւ Երքաղխորհրդի գործկոմի բոլոր որոշումներում նշվում է, որ գործ ունենք պատմամշակութային արժեք ունեցող հուշարձանի հետ: