Քաղցած էինք, փող չունեինք, փողոցում սկսեցինք ուտելու բան խնդրել․ Ռաֆինյան՝ մանկության մասին
Բրազիլիայի հավաքականի և «Բարսելոնայի» ֆուտբոլիստ Ռաֆինյա Դիասը խոսել է բրազիլական ֆավելաներում կյանքի մասին.
«Անհնար է դա մոռանալ։ Դժվար ժամանակներ էին, պահեր, որոնք ձեզ ավելի ուժեղ են դարձնում, պահեր, որոնք ստիպում են ձեզ աճել որպես մարդ և պրոֆեսիոնալ:
Ես մոտ 12 տարեկան էի։ Ես ընկերոջս հետ էի, մարզվելուց հետո ամբողջովին կեղտոտ, ակումբում ցնցուղ չկար։ Իսկ ավտոբուսը շատ դանդաղ էր գնում։ Քաղցած էինք, բայց փող չունեինք։ Եվ մենք փողոցում սկսեցինք ուտելու բան խնդրել։ Մի քիչ դժվար էր։
Մեզ օգնեցին բարեսիրտ մարդիկ, բայց ես հասկանում եմ նրանց, ովքեր մեզ ոչինչ չեն տվել․ մենք նման էինք փողոցում ապրող երեխաների։ Նորմալ է, որ մի քիչ վախենում էին»,- Ռաֆինյայի խոսքերն է մեջբերել El Pais-ը: