Ռուսական հարվածի հետևանքով Զապորոժիեում զոհերի թիվը հասել է 7-ի

Նոյեմբերի 5-ին Զապորոժիեում ռուսական հրետակոծության հետևանքով զոհերի թիվը հասել է 7 -ի, ևս 25-ը վիրավոր կա, տեղեկացրել է Զապորոժիեի մարզային ռազմական վարչակազմի ղեկավար Իվան Ֆյոդորովը։


Ռուսական ուժերը հարվածել են Զապորոժիեին նոյեմբերի 5-ի գիշերը։ Տեղական իշխանությունների հաղորդմամբ՝ հարվածը հասցվել է ենթակառուցվածքային օբյեկտին, սակայն Ֆյոդորովը չի հստակեցրել, թե կոնկրետ ինչ օբյեկտի։


Տարածքում բռնկված հրդեհը մարվել է։


«Ավերածությունների մասշտաբները պարզվում են»,- հայտնել է նա։ Զապորոժիեի մարզային դատախազությունը նախաքննություն է սկսել պատերազմի օրենքների և սովորույթների խախտման և միտումնավոր սպանության մեղադրանքով։