Алматы облысында полицейлер әйел мен бала отырған көлікке соқтығысты
Алматы облысында полицейлер әйел мен бала отырған көлікті соғып, жол апатын жасады. Желіде куәгерлердің видеосы пайда болды, - деп хабарлайды Tengrinews.kz тілшісі.
Кадрлардан патрульдік көлік алдындағы көлікті соққаны көрінеді. "Неге арақашықтықты сақтамайсыздар, онда балалар бар ғой!" – деген дауыс естіледі.
Бұл оқиғаға қатысты Алматы облыстық Полиция департаментінің баспасөз қызметі пікір білдірді.
"Hyundai Elantra және Toyota Ipsum көліктері ЖКО ұшырады. Оқиға 27 маусымда Алматы-Жандосов тасжолының 25-шақырымында болған. Құрбандар мен зардап шеккендер жоқ. Автокөліктерге механикалық зақым келген. Жол апатына кінәлі қолданыстағы заңнамаға сәйкес жауапкершілікке тартылды", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!