Ұлттық экономика министрлігі теңгенің құнсыздану тәуекелдері туралы айтты

Ұлттық экономика вице-министрі Арман Қасенов теңге девальвациясының тәуекелдері туралы мәселеге қатысты пікір білдірді, - деп хабарлайды Tengrinews.kz тілшісі.
Оның айтуынша, бұған ешқандай себеп жоқ.

"Соңғы үш жылда БАҚ-та әртүрлі сарапшылар валюта бағамының тым жоғары болатынын айтып келеді, бірақ барлық жағдайда олай болған емес. Шындығында, девальвация ұзақ уақыт бойы болған жоқ, өйткені девальвацияның әрқашан нақты іргелі себептері болуы керек. Қазір, әрине, олар жоқ", - деді Қасенов Сенатта өткен брифингте.

Ол мысал ретінде қазақстандық экспортты келтірді.

"Өздеріңіз көріп отырсыздар, экспорт былтырғымен салыстырғанда әлдеқайда жоғары. Импорт төмендеді. Бүгінде бізде сауда балансы бар. Сондықтан қазір бізде девальвацияға негіз жоқ", - деді вице-министр.

Оның айтуынша, Қазақстанның ұлттық валютасы тұрақты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!