“Астана - Челси“ матчының билеттері бүгін сатыла бастайды

Бүгін, 24 қарашада "Астана - Челси" матчының билеттері сатыла бастайды, - деп хабарлайды Tengrinews.kz тілшісі.
Қазақстандық клубтың мәліметінше, осы матчқа қызығушылық танытқандар көп болуына байланысты билет сату бойынша келесі қауіпсіздік шарттары қарастырылған:

бір қолға 4 дана билет сатылады: сатып алу электрондық пошта, телефон нөмірі және несие картасын тіркеу арқылы жүзеге асырылады;
билеттер жеке тұлғаға рәсімделеді, тапсырыс беру кезінде әрбір келушінің деректерін енгізу қажет, матчқа барған кезде өзімен бірге растайтын құжат болуға тиіс;
матчқа қатысу құқығын беретін QR коды бар электронды билет матч күні электронды поштаға жіберіледі;

Айта кетейік, УЕФА Конференциялар лигасының жалпы кезеңінің матчы 12 желтоқсанда, сағат 20:30-да Алматының "Орталық" стадионында өтеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!