Қазақстанның оңтүстігінде жасөспірімдер қызға қатысты қылмыс жасады деген күдікке ілінді

Жамбыл облысының полициясы кәмелетке толмаған қызға жасалған зорлық-зомбылық дерегі бойынша тергеу жүргізіп жатыр, - деп хабарлайды Tengrinews.kz тілшісі.
Әлеуметтік желілерде бірнеше жасөспірімнің қызды зорлағаны туралы ақпарат тарады. Облыстық Полиция департаментінің баспасөз қызметі мәліметінше, оқиғаға байланысты Қылмыстық кодекстің 120-бабы 4-бөлігі бойынша ("Кәмелетке толмаған адамға қатысты топ болып зорлау") соталды тергеу жүргізіліп жатыр.

"Тергеу барысында үш кәмелетке толмаған күдікті анықталып, ұсталды. Екі күдіктіге қатысты сот үйқамақ түріндегі бұлтартпау шарасын қолданды, ал үшінші күдіктіге жеке кепілгерлік шарасы белгіленді. Қазіргі уақытта қылмыстық іс бойынша тергеу аяқталды, тараптардың танысу кезеңі жүріп жатыр", – деп хабарлады Жамбыл облысы полиция департаментінің баспасөз қызметі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!