Камчыбек Ташиев төрт жылда мамлекетке 125 млрд сом өндүрүлгөнүн айтты
Улуттук коопсуздук боюнча мамлекеттик комитеттин (УКМК) төрагасы Камчыбек Ташиев 2020-2024-жылдар аралыгында уюшкан кылмыштуу топтордон, таза эмес олигархтардан мамлекетке акчалай жана мүлк түрүндө 120-125 млрд сом өндүрүлгөнүн билдирди.
Атайын кызматтын төрагасы бул тууралуу 20-ноябрда журналисттерге айтып, башта 120-125 млрд доллар алынганын кабарлаган. УКМКнын басма сөз кызматы кийин сом менен өндүрүлгөнүн тактады.
Камчыбек Ташиев ушул жылдын декабрь айында бюджетке кайтарылган каражат кимдерден, кандай жол менен алынганы тууралуу жалпыга маалымдоо каражаттарына басма сөз жыйынын өткөрүп, кенен маалымат бере турганын кошумчалады.
Улуттук коопсуздук боюнча мамлекеттик комитет (УКМК) сентябрь айында коррупцияга каршы күрөштү күчөтүүгө багытталган мыйзам долбоорун даярдап коомдук талкууга чыгарган.
Документте коррупция беренеси менен соттолгон жарандардын мамлекеттик кызматтарда иштешине өмүр бою тыюу салуу каралган. Ошондой эле андай адамдардын жакындары, жакын туугандары да мамлекеттик жана муниципалдык кызматтарда иштей албайт. Бул берене менен кармалгандарга жаза катары айып пул салуу жагы алынып салган. Күнөөсүн мойнуна алып, келтирилген чыгымды төлөп бергенден кийин да берилген жаза мөөнөтүнүн теңин өтөп бүтмөйүнчө абактан бошотулбайт.
Кыргызстанда буга чейин жемкорлук үчүн кармалып, сот жообуна тартылып бирок айып пул төлөп эркиндикке чыккан окуялар болгон. (BTo)
Атайын кызматтын төрагасы бул тууралуу 20-ноябрда журналисттерге айтып, башта 120-125 млрд доллар алынганын кабарлаган. УКМКнын басма сөз кызматы кийин сом менен өндүрүлгөнүн тактады.
Камчыбек Ташиев ушул жылдын декабрь айында бюджетке кайтарылган каражат кимдерден, кандай жол менен алынганы тууралуу жалпыга маалымдоо каражаттарына басма сөз жыйынын өткөрүп, кенен маалымат бере турганын кошумчалады.
Улуттук коопсуздук боюнча мамлекеттик комитет (УКМК) сентябрь айында коррупцияга каршы күрөштү күчөтүүгө багытталган мыйзам долбоорун даярдап коомдук талкууга чыгарган.
Документте коррупция беренеси менен соттолгон жарандардын мамлекеттик кызматтарда иштешине өмүр бою тыюу салуу каралган. Ошондой эле андай адамдардын жакындары, жакын туугандары да мамлекеттик жана муниципалдык кызматтарда иштей албайт. Бул берене менен кармалгандарга жаза катары айып пул салуу жагы алынып салган. Күнөөсүн мойнуна алып, келтирилген чыгымды төлөп бергенден кийин да берилген жаза мөөнөтүнүн теңин өтөп бүтмөйүнчө абактан бошотулбайт.
Кыргызстанда буга чейин жемкорлук үчүн кармалып, сот жообуна тартылып бирок айып пул төлөп эркиндикке чыккан окуялар болгон. (BTo)