Кыргызстан быйыл 1 миллиарддан ашык долларга алтын сатты
2024-жылдын январь-октябрь айларында Кыргызстан чет мамлекеттерге 13,8 тонна алтынды 91 млрд 884 млн 391 миң сомго же 1 млрд 064,4 млн долларга сатты.
Улуттук статистика комитети 12-декабрда маалымдагандай, алтын былтыркы он айдагы көрсөткүчкө караганда быйыл 7% көп сатылган жана андан түшкөн киреше 32% көп болду.
Маалыматка ылайык, алтындын эң көбүн Улуу Британия сатып алган, бул мамлекетке 11 тонна алтын 870 млн долларга экспорттолгон. Экинчи орунда Кытай турат, 1,8 тонна алтын экспорттолгон. Швейцария 0,9 тонна, ал эми Бириккен Араб Эмирликтери 14 кг алтын сатып алган.
Кыргызстандын бийлиги канадалык “Центерра Голд Инк” компаниясы иштеткен өлкөдөгү эң ири Кумтөр кенине 2021-жылы тышкы башкаруу киргизип, 2022-жылы аны толук өзүнө өткөрүп алган. Ошондон бери анын алтынын дүйнөлүк биржалык баанын чегинде Улуттук банк сатып алып, өз муктаждыктарына жараша чет жакка экспорттойт. (ZKo)
Улуттук статистика комитети 12-декабрда маалымдагандай, алтын былтыркы он айдагы көрсөткүчкө караганда быйыл 7% көп сатылган жана андан түшкөн киреше 32% көп болду.
Маалыматка ылайык, алтындын эң көбүн Улуу Британия сатып алган, бул мамлекетке 11 тонна алтын 870 млн долларга экспорттолгон. Экинчи орунда Кытай турат, 1,8 тонна алтын экспорттолгон. Швейцария 0,9 тонна, ал эми Бириккен Араб Эмирликтери 14 кг алтын сатып алган.
Кыргызстандын бийлиги канадалык “Центерра Голд Инк” компаниясы иштеткен өлкөдөгү эң ири Кумтөр кенине 2021-жылы тышкы башкаруу киргизип, 2022-жылы аны толук өзүнө өткөрүп алган. Ошондон бери анын алтынын дүйнөлүк биржалык баанын чегинде Улуттук банк сатып алып, өз муктаждыктарына жараша чет жакка экспорттойт. (ZKo)