ИИМ: министрдин орун басарынын айдоочусу жана тергөөчү УКМКда сурак берип чыкты
Ички иштер министрлигинин (ИИМ) басма сөз кызматы министр Улан Ниязбековдун орун басарынын айдоочусу жана ИИМдин Башкы тергөө башкармалыгынын тергөөчүсү Улуттук коопсуздук боюнча мамлекеттик комитетте (УКМК) күбө катары сурак берип чыкканын билдирди. Бирок министрдин кайсы орун басарынын айдоочусу экенин тактаган жок.
Бул тууралуу мекеме “атайын кызмат министрдин орун басарынын айдоочусу менен Башкы тергөө башкармалыгынын тергөөчүсүн кармаганы” тууралуу маалыматка берген комментарийинде билдирди.
9-январда kaktus.media порталы укук коргоо органдарындагы булактарына таянып ички иштер министринин орун басары Эркебек Аширходжаевдин айдоочусу жана тергөөчү опузалап пара алууга шек саналып кармалганын жазган.
ИИМ бул маалымат чындыкка дал келбесин, айдоочу менен тергөөчү УКМКда күбө катары эле суралып чыкканын билдирип, материалды жарыялоодо ишенимдүү булактарга жана мамлекеттик мекемелердин басма сөз кызматынын расмий билдирүүлөрүнө гана таянууга чакырды.
Акыркы окуя тууралуу Эркебек Аширходжаев комментарий бере элек. (BTo)
Бул тууралуу мекеме “атайын кызмат министрдин орун басарынын айдоочусу менен Башкы тергөө башкармалыгынын тергөөчүсүн кармаганы” тууралуу маалыматка берген комментарийинде билдирди.
9-январда kaktus.media порталы укук коргоо органдарындагы булактарына таянып ички иштер министринин орун басары Эркебек Аширходжаевдин айдоочусу жана тергөөчү опузалап пара алууга шек саналып кармалганын жазган.
ИИМ бул маалымат чындыкка дал келбесин, айдоочу менен тергөөчү УКМКда күбө катары эле суралып чыкканын билдирип, материалды жарыялоодо ишенимдүү булактарга жана мамлекеттик мекемелердин басма сөз кызматынын расмий билдирүүлөрүнө гана таянууга чакырды.
Акыркы окуя тууралуу Эркебек Аширходжаев комментарий бере элек. (BTo)