"Түндө атып салам деп коркуткан". Жардам сураган кыз-келин кайда барат?

Милициянын маалыматына караганда, Кыргызстанда 2025-жылдын 11 айында (январь айынан ноябрь чейин) 19 миң 995 үй-бүлөлүк зомбулук фактысы катталган. Бул 2024-жылдын алгачкы 11 айына салыштырганда 27,5% же 4320 фактыга көп. Бул сандар - расмий кайрылгандар гана. Үн катпай, эшикке чыкпай отургандар канча - белгисиз. Мына ушундай жагдайда барарга жери жок кыз-келинге кол суна турган кризистик борборлор өздөрү кризиске кабылды.