Gult farevarsel for styrtregn på Austlandet
Meteorologisk institutt har sendt ut gult farevarsel for styrtregn i delar av Austlandet. Det er fare for overvatn i tettbygde område, lokal overfløyming og jord og flaum-skred i områda kor styrtregnet treffer. Det er også fare for stengde vegar og lokalt vanskelege køyreforhold. Meteorologane rår folk til å halda seg oppdaterte på vêret og halda seg unna bratte skråningar og bekkar med høg vassføring. Behov for beredskap skal vurderast fortløpande av beredskapsaktørar, skriv dei på sine nettsider.