Denne veka kjem skattemeldinga

Denne veka skal Skatteetaten sende ut rundt fem millionar skattemeldingar.

Skattebetalerforeningen åtvarar om at ein må hugse å sjekke skattemeldinga, slik at opplysningane er rette.

Etter skatteoppgjeret i 2022 fekk 3,2 millionar skattebetalarar att på skatten, medan 740.000 skattebetalarar måtte betale restskatt, ifølge Skattebetalerforeningen.

Om ein ikkje opnar skattemeldinga før fristen, går Skatteetaten ut ifrå at opplysningane der stemmer.

Fristen for å levere skattemeldinga er 30. april.