Over 45 grader fleire stadar i USA

Hetebølgja i det sørvestlege USA vil truleg vara fram til onsdag, ifølgje den nasjonale vérvarslingstenesta.

Kring 130 millionar menneskje er råka, og styresmaktene åtvarer om at varmen er farleg, og kan føra til fleire skogbrannar.

I går blei det målt 47 grader nord for San Francisco og 46 grader i Las Vegas.

I Death Valley er det venta temperaturar opp mot 54 grader dei neste dagane. Den høgaste temperaturen som er målt nokon gong på jorda er 54,4 grader - nettopp i Death Valley.