Alvorleg ulukke stengjer riksveg 15

Riksveg 15 er stengd ved Indre Totland mellom Nordfjordeid og Måløy. Ein bil har hamna på taket og sperrar vegen i nærleiken av Bryggja. – Det var ein person i køyretøyet, og vedkommande er ute av bilen, seier Helge Lund i 110 Vest. Skadeomfanget er førebels ukjend. Ulukka vart varsla like før klokka 09 av ein forbipasserande. – Vi skildrar det som ei alvorleg ulukke. Det er store materielle skader og føraren framstår skadd og får tilsyn frå helsepersonell, seier operasjonsleiar Tatjana Knappen ved Vest politidistrikt.