Medisinstudentar får kome til Noreg likevel

Dei ti medisinstudentane frå Gaza som var nekta innreise til Noreg, får kome likevel.

Det skjer etter at regjeringa har gripe inn og instruert Utlendingsdirektoratet (UDI) å innvilge studentane visum.

– Her har vi ti unge palestinarar som ønsker å fullføre legestudiet, det kan vi bidra til. Det er eit utanrikspolitisk mål som vi gjennomfører ved å gi opphald i denne perioden til desse studentane, seier statsminister Jonas Gahr Støre (Ap) til NRK.