Jimmy Carter støttar Harris

USAs tidlegare president Jimmy Carter fyller 100 år 1. oktober, og er landets lengstlevande president.

Carter er alvorleg sjuk, og har budd på pleieheim sidan februar i fjor. Men no er målet å leve lenge nok til å kunne stemme i presidentvalet 5. november, melder AFP.

– No prøver eg berre å klare meg lenge nok til at eg kan stemme på Kamala Harris, skal Carter ha sagt til sonen Chip, ifølge barnebarnet Jason Carter, som har snakka med avisa Atlanta Journal-Constitution.

Ifølge avisa kan veljarane i Georgia førehandsstemme frå 15. oktober.

Carter var president i USA frå 1977 til 1981.