Dalane-ulven har truleg drepe 100 sauer i Innlandet

Ulven som den siste tida har herja i Dalane i Rogaland er ei svensk tispe, som truleg har drepe om lag 100 sauer i Innlandet tidlegare i sommar.

Det har kome fram etter at Statens naturoppsyn har lukkast med å gjera ei DNA-test av spyttet til ulven, som i helga drap tre nye lam i Egersund.

I mai og juni er det gjort DNA-treff på den same ulven i Innlandet, og ifølgje Ole Knut Steinset, har ulven truleg drepe hundre sauer her.

DNA-prøven syner også at ulven ikkje er såkalla genetisk viktig.