Fann skadd kvinne ute

Klokka 00:17 i natt vart politiet varsla av AMK om ei kvinne i 40-åra var funnen skadd utandørs i Solheimsområdet i Bergen.

Kvinna hadde skadar i hovudet, men var vaken og medviten. Ho er no på Haukeland universitetssjukehus.

–Skadane er foreinelege med at ho har vore utsett for vald, seier operasjonsleiar Morten Rebnor ved Vest politidistrikt.

Politiet har så langt ikkje fått snakka med kvinna, men har gjort undersøkingar på staden og avhøyrt vitne.

– Basert på det politiet veit no, framstår ikkje dette som ei tilfeldig hending, seier Rebnor.

Ingen personar er arresterte i saka.