Tolv døde etter jordskred i Pakistan

Tolv menneske er døde etter eit jordskred nordvest i Pakistan, nær grensa mot Afghanistan, skriv NTB.

Dei fleste av dei døde var barn.

Sidan 1. juli har meir enn 275 menneske omkomme i regnrelaterte hendingar ulike stader i landet.

Monsunsesongen i Pakistan går frå juli til september. Forskarar gir klimaendringar skulda for kraftigare regn dei siste åra.

I 2022 var det flaum i ein tredel av landet, og førte til at 1739 menneske døde.