Finland vil forby russarar å kjøpe eigedom i landet

Regjeringa i Finland sender måndag ut eit forslag på høyring som i praksis forbyr russiske statsborgarar og organisasjonar å kjøpe eigedom i Finland, melder NTB.

Regjeringa håper å kunne legge fram eit lovforslag for Riksdagen allereie i år.

Forslaget går ut på å gjere det forbode å kjøpe eigedom for personar eller verksemder som EU meiner krenker ein annan stats territorielle integritet, suverenitet og sjølvstende, og der heimlandet er ein trussel mot Finlands nasjonale tryggleik.