33 drepne på Gazastripa siste døgnet
Minst 33 palestinarar er drepne i Gaza det siste døgnet, opplyser dei palestinske helsestyresmaktene, melder AFP.
Til saman er minst 40.819 palestinarar drepne sidan krigen mellom Hamas og Israel starta for snart 11 månader sidan.
Tala er ikkje stadfesta av uavhengige kjelder, men blir sett på som truverdige av FN og andre hjelpeorganisasjonar.