Fleire drepne etter israelsk åtak på skule i Gaza

Ein talsperson for Det palestinske sivilforsvaret seier at 9 personar er drepne etter eit israelsk åtak mot ein tidlegare UNRWA-skule i flyktningleiren Nuseirat.

Det melder Al Jazeera.

Ifølgje kanalen pågår hjelpearbeidet no.

Det israelske forsvaret (IDF) hevdar at dei ønska å treffe ein Hamas-sentral.

Ifølgje dei palestinske helsestyresmaktene er 64 personar drepne det siste døgnet. Dei totale dødstala i krigen sidan 7. oktober er på minst 41.084 personar.