Nobelprisen i kjemi til David Baker, Demis Hassabis og John Jumper

David Baker, Demis Hassabis og John M. Jumper er tildelt nobelprisen i kjemi.

Dei får prisen for å ha «knekt koden for dei merkelege strukturane til proteina», skriv Kungliga Vetenskapsakademien i grunngjevinga.

– David Baker har lukkast med det nesten umogelege kunststykket å bygge nye protein. Demis Hassabis og John Jumper har ved hjelp av ein KI-modell løyst eit 50 år gammalt problem: Å føreseie dei komplekse strukturane til proteina. Potensialet i desse oppdagingane er enormt, skriv akademiet.