Barth Eide til NRK: Svært alvorleg at Israel har skote mot Unifil

Utanriksminister Espen Barth Eide seier til NRK at det er svært alvorleg at den fredsbevarande FN-styrken i Libanon (UNIFIL) har vorte skoten mot av israelske styrkar.

– Unifil har ei viktig rolle i å overvake situasjonen og vere ein nøytral aktør som verkar konfliktdempande og bidrar til å forhindre at situasjonen kjem ut av kontroll. FNs posisjonar og infrastruktur er godt kjent og tydeleg merka. Det er derfor svært kritikkverdig at israelske styrkar nå har skote mot fleire av Unifils posisjonar.

– Eg kjem med ei innstendig oppfordring til alle partar om å respektere humanitærretten og verne sivile, avsluttar han.