Brann i transformator etter lynnedslag
Det starta å brenna i ein transformatorstasjon i Vettreidene i Førde i Sunnfjord natt til torsdag.
Brannen starta etter lynnedslag, ifølgje Jostein Steinsland-Hauge i 110 Vest.
Kraftselskap kom til staden og kutta straumen, og brannvesenet dynka terrenget sidan det dryppa ein del brennande materiale frå ein stolpe.
BKK melder klokka 05.39 at 30 kundar førebels er utan straum grunna feil i straumnettet i området.