Talet på private skular aukar

I 2025 var det 279 private grunnskular i Noreg. Det er om lag 11 prosent av alle grunnskular, viser tal frå Statistisk sentralbyrå (SSB).

For ti år sidan var 8 prosent av grunnskulane private.

Talet på private grunnskular har auka kvart år i perioden 2015 til 2022, før det har flata noko ut.

Medan talet på private grunnskular har auka sidan 2015, har det blitt 259 færre offentlege grunnskular i Noreg, viser tal frå SSB.

Grunnskulen er den tiårige skulegangen som i Noreg er obligatorisk for barn mellom seks og 16 år.