Fleire flyselskap har kansellert flygingar til Midtausten

Norwegian har kansellert to flygingar til Dubai denne helga, Dagbladet omtalte saka fyrst.

Selskapet har innstilt éin tur – retur i dag og éin i morgon, og tar fortløpande vurderingar av vidare trafikk, opplyser dei til NRK.

Dei viser til den tryggingspolitiske situasjonen.

– Det er ei vurdering vi tar for å vere føre var, seier pressevakta i Norwegian.

SAS opplyser til NRK at flygingane til Tel Aviv og Beirut går som normalt, men at dei følger situasjonen.

KLM og Air France har kansellert flygingar til Israel, melder Jerusalem Post.